نئی دہلی(آئی این پی ) بھارت کی معاشی ترقی کی رفتار میں مزید کمی ہو نے سے نے سب سے تیز رفتار معاشی ترقی کا اعزاز کھو دیا، رواں سال کی پہلی سہ ماہی میں بھارتی جی ڈی پی میں اضافے کی شرح 6.1فی صد رہی جو توقعات سے کم تھی۔بھارت کی مجموعی ملکی پیداوار کے اعداد و شمار کے مطابق بھارتی معیشت میں ترقی کی شرح کم ہونے کا بنیادی سبب مودی سرکار کی جانب سے نوٹ بندی کی پالیسی کو قرار دیا جا رہا ہے۔مارچ میں ختم ہونے والی سہ ماہی میں جی ڈی پی میں اضافے کی شرح ساڑھے چھ فیصد متوقع تھی جو چھ اعشاریہ ایک فیصد رہی۔ یوں بھارت نے دنیا کی بڑی

معیشتوں میں سب سے تیز رفتار ترقی کا اعزاز کھو دیا ہے۔ چین 6 اعشاریہ 9 فیصد جی ڈی پی گروتھ کے ساتھ بھارت سے اوپر آ گیا ہے۔پاک چین اقتصادی راہداری کی تیزی سے تکمیل اورچین کی علاقائی ممالک پاکستان،سری لنکا، بنگلہ دیش اورنیپال میں بڑھتی ہوئی اقتصادی سرگرمیوں کے باعث بھارت کی معیشت کے مزید سکڑنے کی پیش گوئی کی گئی ہے ،یاد رہے مودی سرکار نے نقلی نوٹ اور کالے دھن کے خلاف مہم کے تحت ایک ہزار اور پانچ سو کے نوٹ بند کر دیئے تھے۔ جس کے بعد ملک میں نقد رقم کا بحران پیدا ہو گیا تھا اور معاشی سرگرمیاں بھی کافی حد تک متاثر ہوئیں تھیں۔

موضوعات:پاک چین اقتصادی راہداری