مسقط(مانیٹرنگ ڈیسک)عمان کی وزارت ٹرانسپورٹ نے محکمہ ٹرانسپورٹ میں ہزاروں ملکی اور غیر ملکی شہریوں کے لیے 5354 ملازمتوں کا اعلان کیا ہے۔میڈیارپورٹس کے مطابق  وزارت ِ ٹرانسپورٹ نے محکمہ ٹرانسپورٹ کے شعبے لاجسٹکس اور انفراسٹرکچر میں 5354 اور 1530 براہ راست ملازمتیں فراہم کرنے کا اعلان کیا ہے ۔ عمان کواس وقت ان دونوںشعبوں میں ڈرائیورز، انجینئیرز اور دوسرے ملازمین کے اشد ضرورت ہے۔

محکمہ ٹرانسپورٹ اینڈ کمیونیکیشن کے وزیر کا کہناہے کہ ملازمین کو بھرتی کرنے کا مقصد عمان میں محکمہ ٹرانسپورٹ کو بہترین کرنا ہے ۔ اس شعبے میں پاکستان سمیت ایشائی ممالک سے تعلق رکھنے والے شہریوں کو مختلف شعبوں میں ملازمت فراہم کی جائے گی ۔واضح رہے گزشتہ روز پاکستان کے دورے پر آئے ہوئے اعلی سطی وفد نے بھی پاکستانی شہریوں کو عمان میں مزید نئی ملازمتیں فراہم کرنے کا وعدہ کیاتھا۔