نئی دہلی (آئی این پی)بھارت کا جنگی جنون کم ہونے کا نام نہیں لے رہا ،دفاعی بجٹ میں 10فیصد اضافہ کرنے کے بعد مودی سرکار نے گولہ باروداور اسلحے کی خریداری کیلئے200 ارب مالیت کے ہنگامی سودوں پر دستخط کر دیے ۔بھارتی میڈیا کے مطابق مودی سرکار نے جدید جنگی اسلحے اور گولہ بارود کے ہنگامی سودوں کی منظوری دیدی ہے جس کا مقصد 10دنوں تک جنگ میں شمولیت یقینی بنانا ہے ۔بھارت اسلحے کی خریداری

کیلئے اسرائیل ، فرانس اور روس پر خصوصی توجہ دے رہا ہے جس کا مقصد پاکستان کے خلاف اپنے دفاع کو مضبوط کر نا ہے ۔بھارتی میڈیا کا دعو ی ہے کہ مودی سرکار نے اڑی واقعے کے بعد اسرائیل اور روس سے اسلحہ خریدنے کا منصوبہ بنایا جس پر عمل درآمد شروع ہو چکا ہے اور اب اس حوالے سے دیگر مغربی ممالک کے ساتھ بھی معاہدوں کے بارے میں سنجیدگی سے سوچا جا رہا ہے ۔واضح رہے کہ بھارت نے اپنے دفاعی بجٹ میں بھی 10فیصد اضافے کا اعلان کیا تھا۔

موضوعات:بھارت دفاعی بجٹ مودی سرکار