نئی دہلی(این این آئی)عوام تباہی کے بھیانک گڑھے میں ،مودی نے ڈبودیا،بھارتی ادارے کی رپورٹ نے ہلچل مچادی،بھارتی لیبر بیورونے بتایا ہے کہ جنگی جنون میں پاگل مودی سرکار نے بھارتیوں کو بیروزگاری کے سمندر میں پھینک دیاہے،میڈیارپورٹس کے مطابق بھارتی لیبر بیورونے بتایاکہ نریندر مودی کی وزرات عظمیٰ کے دوران ملک میں بیروزگاری کی شرح پانچ فیصد بڑھ گئی جو پانچ سال کی بلند ترین سطح ہے۔ رپورٹ میں انکشاف کیا گیا ہے کہ بھارت میں ایک تہائی سے زائد ملازمین ایک سال سے بھی کم عرصے کے دوران ملازمت پررہتے ہیں جبکہ 68 فیصد ملازمین ماہانہ 10 ہزارروپے کماتے ہیں۔رپورٹ کے مطابق شہری علاقوں میں ملازمین کی ماہانہ آمدنی 10 ہزارسے 50 ہزارروپے کے درمیان ہے۔جون 2014 میں نریندرمودی نے وزارت عظمی کا منصب سنبھالنے کے بعد ملازمتوں کے مواقع فراہم کرنے کیلیے اسٹارٹ اپ انڈیا اورڈیجیٹل انڈیا جیسے پروگرام متعارف کرائے لیکن ان کا کوئی خاطرخواہ اثر نہیں ہوا۔بھارتی حکومت کی غلط پالیسیوں کی وجہ سے بھارتی عوام کی اکثریت دن بدن تباہی کے بھیانک گڑھے میں مزید اترتی جارہی ہے عوام میں حکومت کے خلاف شدید ردعمل پایاجاتاہے بھارتی نجی ٹی وی کے سروے کے دوران بھارتی عوام نے شدید ردعمل کا اظہار کیااور ہاتھ اُٹھااُٹھاکربددھائیں دیتے رہے۔دوسری جانب بھارتی لیبر بیورو کے تازہ ترین انکشافات پراپوزیشن جماعت کانگریس نے شدید ردعمل کا اظہار کیا ہے بھارتی نیتاؤں نے اسے مودی حکومت کی ناکامی سے تعبیر کرتے ہوئے حکومت سے استعفے کامطالبہ کردیاہے۔