اسلام آباد (مانیٹرنگ ڈیسک) بھارت نے ہتھیار اگلے مورچوں پر پہنچانا شروع کر دئیے ہیں اور کنٹرول لائن پر بوفورس توپیں بھی نصب کر دی گئی ہیں،جس کے بعد برطانوی میڈیا نے خدشہ ظاہر کیا ہے کہ بھارتی فوج کا یہ اقدام محدود پیمانے پر جنگ کے آغاز کا پیش رفت بھی ہو سکتا ہے ۔ جبکہ دوسرے غیر مصدقہ بھارتی فو ج کی چھٹیاں منسوخ کر کے تمام فوج اڈوں پر ایمرجنسی کی صورت حال نافذ کر دی ہے ، واضح رہے کہ بھارتی بحریہ نے ایمر جنسی اور بحری اڈوں پر ہائی الرٹ کی کل تصدیق کر دی تھی ۔ دوسری طرف اقوام متحدہ میں پاکستان نے سچ بولا تو مودی سرکار کو آگ لگ گئی۔ سفارتی میدان میں مار پڑی تو سوئی جنگ پرجا اڑی۔
مودی اور اس کے حواریوں نے نئی دہلی کے وارروم میں سر جوڑ لئے۔ پاکستان کے اندر سرجیکل سٹرائیک پر مشورے بھی کئے گئے۔بھارتی کابینہ کے اجلاس میں وزارت دفاع اور عسکری قیادت کی جانب سے محددد پیمانےکی جنگی کی تیاریوں کے حوالے سے نریندر مودی کو پاکستان کے اندر سرجیکل سٹرایئک پر بریفنگ دی گئی۔ اجیت ڈوول اور فوجی سربراہوں نے پردھان منتری کو ہلا شیری دی۔ نقشوں کی مدد سے اہداف کی نشاندہی بھی کی۔ بھارتی میڈیا بھی کسی سے پیچھے نہیں۔ چیخ و پکار بھی جاری ہے، وار، وار بھی جاری ہے لیکن جوش میں ہوش کھونے والوں کو شاید یاد نہیں کہ ان کا پالا کس سے پڑا ہے اور ان کے سامنے کون کھڑا ہے۔