واشنگٹن (مانیٹرنگ ڈیسک) صدارتی امیدوار اورہیلری کلنٹن نمونیا کا شکار ہوگئیں، ڈاکٹرزکا کہنا ہے ہلیری کی طبیعت بہترہورہی ہے۔صدارتی انتخاب کی دوڑ میں شریک ہیلری کلنٹن لڑکھڑا گئیں، نائن الیون کو پندرہ سال مکمل ہونے کی تقریب میں شریک سابق امریکی وزیرخارجہ اورصدر بننے کی امیدوارہیلری کلنٹن گرمی میں پانی کی کمی کا شکار ہوکرلڑکھڑا گئیں۔ طبیعت خراب ہونے کے باعث ہیلری کلنٹن گھر چلی گئیں، جہاں ڈاکٹروں نے ان کا معائنہ کیا۔ڈاکٹروں کے مطابق مختلف الرجیز کی وجہ سے ہیلری کو کھانسی کی شکایت بھی تھی جبکہ ہیلری کلنٹن نمونیہ کا بھی شکار ہیں تاہم ان کی طبیعت میں بہتری آرہی ہے۔ناسازی طبیعت کی وجہ سے ہیلری کلنٹن نےاپنی الیکشن مہم کےسلسلے میں کیلیفورنیا کا دورہ منسوخ کردیا۔ہلیری کلنٹن کے انتخابی دفتر سے جاری بیان میں کہا گیا ہے کہ ’سیکریٹری کلنٹن نے ستمبر 11 کی تقریبات میں متاثرہ خاندانوں کے ساتھ اظہارِ یک جہتی کے لیے ڈیڑھ گھنٹے تک شمولیت اختیار کی۔ تقریب کے دوران ان کی طبعیت ناساز ہونے پر وہ وہاں سے اپنی بیٹی کے گھر چلی گئیں تاہم اب وہ بہتر محسوس کر رہی ہیں۔مخالف امیدوار نے ہیلری پر وار کرتے ہوئے کہا کہ وہ امریکہ کے صدرکا عہدہ سنبھالنے کے قابل نہیں، جوا ب میں ہیلری کلنٹن نے بھی بتا دیا کہ وہ صدارتی ذمہ داریوں کے لئے مکمل طورپر فٹ ہیںاورامریکہ صدربننے کی اہل ہیں ان کی بیماری موسمی ہے نہ کسی اورطریقے سے لگی ہے ۔