تہران(نیوز ڈیسک) ایران کے سپریم رہنما آیت اللہ علی خامنہ ای نے اعلان کیا ہے کہ امریکہ کے ساتھ مستقبل میں جوہری معاہدے کے سوا کسی اور موضوع پر کوئی مذاکرات نہیں ہوں گے۔اپنی ویب سائٹ پر جاری ایک بیان میں سپریم رہنما نے کہا کہ ہم نے حکومت کو امریکہ کے ساتھ صرف جوہری امور پر بات چیت کی اجازت دی تھی۔ دیگر معاملات پر امریکہ کے ساتھ مذاکرات کی اجازت نہ دی گئی ہے اور نہ ہی دی جائے گی۔خامنہ ای کے بقول دیگر معاملات پر گفتگو کے نتیجے میں امریکہ کو ایران پر اثر انداز ہونے اور اس پر اپنی مرضی مسلط کرنے کا موقع مل جائے گا جو ایران کو کسی صورت قبول نہیں۔خامنہ ای کے اس بیان سے ایک روز قبل ہی معتدل مزاج تصور کیے جانے والے ایرانی صدر حسن روحانی نے کہا تھا کہ ان کا ملک شام میں جاری خانہ جنگی کے خاتمے کے لیے امریکہ اور سعودی عرب سے بات چیت پر آمادہ ہے۔آیت اللہ خامنہ ای کے بیان کو ایرانی صدر حسن روحانی کی جانب سے امریکہ کے ساتھ مذاکرات پر آمادگی کے اس بیان کا ردِ عمل قرار دیا جارہا ہے۔ایران اور چھ عالمی طاقتوں کے درمیان جولائی میں طے پانے والے جوہری معاہدے کے بعد امریکہ اور ایران کے درمیان تعلقات میں بہتری اور دیگر تنازعات کے حل کی جانب پیش رفت کا امکان پیدا ہوا تھا جب کہ دونوں ملکوں کے اعلیٰ سطحی رابطوں میں بھی اضافہ ہوا تھا۔لیکن معاہدے پر اتفاقِ رائے کے بعد سے ایران کے سخت گیر حلقوں کی جانب سے مسلسل امریکہ کے ساتھ تعلقات معمول پر لانے کی کوششوں کی مخالفت پر مبنی بیانات سامنے آرہے ہیں۔ایران شام کے صدر بشار الاسد کی حکومت کا سب سے بڑا اتحادی ہے جو گزشتہ ساڑھے چار برسوں سے جاری خانہ جنگی کے دوران اسد حکومت کو ہر ممکن سفارتی، مالی اور فوجی مدد فراہم کرتا رہا ہے۔
امریکہ سے جوہری معاہدے کے سوا کسی اور موضوع پر کوئی مذاکرات نہیں ہوں گے،خامنہ ای
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
فلم میں بھی ہارنے سے انکار
-
پیٹرولیم مصنوعات کی قیمتوں میں کتنے روپے کمی متوقع ہے؟نائب وزیراعظم اسحاق ڈار نے بتا دیا
-
پیٹرول کی قیمتوں میں150روپے فی لیٹر سے بھی زیادہ کمی کا امکان ہے، بڑا دعوی سا منے آگیا
-
پاکستان نے اسرائیلی جاسوسوں کو کس طرح چکما دیکر امریکا ایران معاہدہ محفوظ بنایا؟
-
وفاقی کابینہ میں بڑے پیمانے پر تبدیلیوں کافیصلہ، محسن نقوی کو وزیر خارجہ بنائے جانے کا امکان
-
راولپنڈی، کزن کی گھر میں گھس کر کزن سے زیادتی، ویڈیو وائرل کردی
-
وزیراعظم شہبازشریف کا دورہ سوئٹزرلینڈ منسوخ،وجوہات سامنے آ گئی
-
پیٹرولیم مصنوعات کی قیمتوں میں 20 جون سے بڑی کمی کا امکان
-
تین میں سے ایک بالغ پاکستانی ذیابیطس سے متاثر ،وجہ بھی سامنے آ گئی
-
پیٹرول کی قیمتوں میں مزید کتنی کمی ہوگی؟بڑا دعوی سامنے آگیا
-
سونے کی قیمتوں میں کمی
-
وزیر اعظم نے پیٹرول اور ڈیزل کی قیمتوں میں بڑی کمی کا اعلان کردیا
-
پیٹرول اور ڈیزل کی قیمتوں کے بعد سونےکی قیمت میں بھی حیران کن کمی
-
عفت عمر نے شادی کی پہلی رات کیا کِیا؟ دلچسپ انکشاف



















































