حیدر آباد(نیوزڈیسک )جنوب مشرقی بھارت کی دو ریاستوں میں گرمی کی شدید لہر سے تقریباً 230 افراد ہلاک ہو گئے۔اندھرا پردیش کے وزیر اعلیٰ چندرا بابو نائڈو نے ہفتہ کے روز صحافیوں کو بتایا کہ گزشتہ ایک ہفتے کے دوران ریاست میں سو سے زائد افراد ہلاک ہوئے۔پڑوسی ریاست تلنگانا کے سینئر ترین عہدے دار بھمبل رام مینا کے مطابق، 15 اپریل سے اب تک 130 ہلاکتیں رپورٹ ہو چکی ہیں۔تنلگانا کے ضلع خمام میں ہفتہ کو دن کے اوقات میں درجہ حرارت 48 ڈگری سیلسیس رہا۔مینا کا کہنا تھا کہ گزشتہ تین دنوں میں خمام میں 16افراد جانوں سے گئے۔محکمہ صحت نے لو اور سن سٹروک سے بچنے کیلئے عوام سے دوپہر میں باہر نہ نکلنے کو کہا ہے۔نائڈو نے کہا ’ہم لوگوں کو تمام احتیاطی تدابیر اٹھانے اور بہت سا پانی پینے کو کہہ رہےہیں۔ہفتہ کو دونوں ریاستوں کے بڑے شہروں اور اضلاع میں سڑکیں سنسان رہیں۔محکمہ موسمیات کا کہنا ہے کہ گرمی کی موجودہ لہر اگلے ایک ہفتے تک جاری رہ سکتی ہے۔ ان کا کہنا ہے کہ جون کے پہلے ہفتے میں مون سون بارشیں متوقع ہیں جس سے صورتحال بہتر ہو گ