کراچی (مانیٹرنگ ڈیسک) شادی خوشی کا ایسا تہوار ہوتا ہے جس میں ہر کوئی چاہتا ہے کہ کچھ ایسا کیا جائے جسے مدتوں یاد رکھا جائے، ایک نجی ٹی وی کی رپورٹ کے مطابق ایسا ہی کچھ کراچی کی شادی میں ہوا جس میں دلہے کی سالیوں نے مہندی میں عجیب طریقے سے انٹری دی، دلہے کی سالیوں نے ہیوی بائیک پر مہندی کی تقریب میں انٹری دی ان کے ساتھ دلہن بھی تھی، شادی میں شریک تمام لوگ ان کی مہندی میں اس
انداز میں شرکت پر خوشگوار حیرت کا اظہار کیا۔ شادی میں سمجھا جاتا ہے کہ جتنی بھی خوشی منائی جائے کم ہے ، کراچی میں مہندی کی تقریب میں دلہن ہیو ی بائیک پر بیٹھ کر آئی نہ صرف دلہن آئی بلکہ سالیاں اور تمام باراتیوں نے ہیوی بائیک پر شادی کی تقریب میں شرکت کی۔ واضح رہے کہ یہ ویڈیو سوشل میڈیا پر وائرل ہو گئی ہے جس میں کچھ لوگ تو اسے تنقید کا نشانہ بنا رہے ہیں جب کہ کچھ اس انداز پر تعریف کر رہے ہیں۔
