شنگھائی (آئی این پی) چین میں سنگلز ڈے (کنواروں کا دن ) کے شروع ہوتے ہی ٹی مال پر صرف تین منٹ میں 10ارب یوآن (1.5ارب امریکی ڈالر ) کی خریداری کی گئی ، 2016ء میں یہ تہوار شروع ہونے کے 6منٹ 58سکینڈ کے اندراتنی خریداری کی گئی تھی ۔

یاد رہے کہ ٹی مال چینی بڑے کاروباری ادارے علی بابا کی ملکیت ہے ، چین میں 11نومبر کا دن 1990 ء سے سنگلز ڈے کے طورپر منایا جاتا ہے،یہ تاریخ 11-11کی مماثلت سے انتخاب کی گئی ہے کیونکہ یہ عدد چار’’ سٹکس ‘‘ سے ملتی جلتی ہے جو چین میں کنواروں کیلئے اصلاح استعمال کی جاتی ہے،علی بابا نے 2009 ء میں سنگلز ڈے کو خریداری کے طور متعارف کرایا تھا ،

ہفتے کے روز ایک بجے صبح 201ممالک اور خطوں میں خریداری شروع کی گئی، ان میں پہلے پانچ ممالک جن میں زیادہ خریداری کی گئی وہ بالترتیب جاپان ، امریکہ ، آسٹریلیا ، جرمنی اور جمہوریہ کوریا ہیں،2016 میں سنگلز ڈے کے تہوار کے موقع پر علی بابا سے 120ارب یوآن (18ارب امریکی ڈالر ) کی خریداری کی گئی ۔