اسلام آباد(مانیـٹرنگ ڈیسک)اللہ تعالیٰ نے مردوں کیلئے خواتین میں کشش رکھی ہے اوراسی کشش کی وجہ سے مرد حضرات بھی خواتین کی تعریف اور ان کی ہمراہی کے خواہاں رہتے ہیں مگر برطانیہ میں ایک ایسی خاتون ہے جس سے مرد تو کیا خواتین بھی دور بھاگتی ہیںاور ان کی کوشش ہوتی ہے کہ جس قدر ممکن ہو سکے اس سے دور ہی رہیں۔
ایک رپورٹ کے مطابق برطانوی خاتون کیلی کے جسم سے ہر وقت مچھلی اور پیازکی بہت تیز ناگوار بو آتی رہتی ہے جو کہ لوگوں کیلئے برداشت کرنا ممکن نہیں رہتا۔کیلی ایک ہسپتال میں ملازمت کرتی ہے جہاں جسم سے انتہائی ناگوار بدبو آنے کی وجہ سے اسے ڈے سے نائٹ شفٹ میںٹرانسفر کر دیا گیا ہے کیونکہ اس کے ساتھ کام کرنے والے افراد نے اس کے جسم سے آتی ناگوار بدبو پر احتجاج شروع کر دیا تھا۔کیلی کے جسم سے آنے والی مچھلی اور پیاز کی ناگوار بدبو نے اسے بچپن سے ہی گھیر رکھا ہےجس کی وجہ سے اس کا کہنا ہے کہ وہ ہمیشہ تضحیک اور تحقیر کا نشانہ بنتی چلی آرہی ہے۔کیلی کے شوہر مائیکل کا کہنا ہے کہ اسے کیلی کے ساتھ رہنے میں کوئی مسئلہ نہیں کیونکہ وہ اب اس بدبو کے عادی ہو چکے ہیں۔ ڈاکٹروں کے مطابق کیلی دراصل ایک بیماری کا شکار ہے جسے’’ ٹرائی میتھائلامینوریا‘‘کہا جاتا ہے۔اس بیماری میں خوراک کے میٹابولزم عمل کے دوران چند مرکبات ایسےہوتے ہیں جو تحلیل نہیں ہوپاتے کیونکہ انہیں تحلیل کرنے کیلئے جسم میں صلاحیت موجود نہیں ہوتی جب وہ مرکبات پسینے کے ذریعے خارج ہوتے ہیں تو جسم سے مچھلی اور پیاز کی انتہائی ناگوار بدبو خارج ہونے لگ جاتی ہے ۔ ڈاکٹروں کے مطابق اس بیماری کو کنٹرول تو کیا جا سکتا ہے مگر اسے مکمل طور پر ختم نہیں کیا جا سکتا۔
