اسلام آباد(مانیٹرنگ ڈیسک)آسٹریلیا میں ایک چارپائی فروخت کیلئے پیش کی گئی ہے جس کی قیمت 990آسٹریلین ڈالررکھی گئی ہے جو پاکستانی 80ہزار روپے بنتے ہیں۔ چارپائی جو کہ برصغیر پاک و ہند کے ہر گھر میں ایک لازمی جزو سمجھی جاتی ہے ۔پاکستان میں شائد ہی کوئی گھر ایسا ہو جہاں چارپائی موجود نہ ہوں ۔یہ پاکستانی گھروں میں فرنیچر کا لازمی اور بنیادی جزو سمجھی جاتی ہے ۔عام طور پر یہ پائیدار ، آرام دہ اور کم قیمت ہوتی ہے۔
لیکن اگر یہی چارپائی آپکو 80ہزار روپے میں خریدنی پڑے تو آپ حیران رہ جائینگے اور یہ حقیقت ہے آسٹریلیا میں ایک چارپائی فروخت کیلئے پیش کی جارہی ہے جس کی قیمت 990آسٹریلین ڈالر ہے جو کہ پاکستانی 80 ہزار روپے بنتے ہیں۔اس چارپائی کے سوشل میڈیا پر بھی چرچے ہیں ۔آسٹریلین چارپائی مکمل طور پر آسٹریلیا میں تیار کی گئی ہے اور اسے تیار کرتے وقت بہترین مٹیریل کی مدد لی گئی ہے ۔لیکن آسٹریلین چارپائی بناتے ہوئے اسکی دیسی ساخت کو مد نظر رکھا گیا ۔اس چارپائی کی فروخت کے لیے ایک مخصوص پرائس ٹیگ بنایا گیا ہے جس پر چارپائی کی تصویراور خصوصیات کے ساتھ ساتھ اسکی قیمت بھی درج ہےجو کہ واضح نظر آرہی ہے۔
