بیجنگ (مانیٹرنگ ڈیسک) چین کے سائنسدانوں نے دنیا کو حیرت زدہ کرتے ہوئے آتش گیر برف دریافت کرلی۔غیر ملکی خبر رساں ایجنسی اے پی کے مطابق جنوبی چین کے سمندر کی تہہ سے آتش گیر برف دریافت کی گئی ہے، چین کے وزارت زمین اور وسائل کی جانب سے جاری کیے گئے بیان میں کہا گیا ہے کہ کان کنی کے ماہرین کی اس دریافت سے توانائی کے شعبے میں بہت بڑی پیش رفت ہونے کا امکان ہے۔

رپورٹس کے مطابق یہ برف کی قلموں کی شکل میں ہوتی ہے لیکن اگر مائیکرو اسکوپ میں اسے قریب سے مالیکیول کی سطح پر جا کر دیکھا جائے تو آپ کو میتھین گیس پانی کے ساتھ ملی ہوئی نظر آئے گی۔کم درجہ حرارت کے باوجود یہ ہائیڈریٹس آسانی سے آگ پکڑ لیتے ہیں کیونکہ برف میں قید میتھین گیس کے قریب جب آگ لائی جاتی ہے تو یہ فوراً جلنا شروع ہوجاتی ہے۔ وزارت کی جانب سے جاری کیے گئے اعلان کے مطابق کان کنی کے شعبے مین گزشتہ 20 سال کی تحقیق اور آتش گیر برف کی تلاش ضائع نہیں گئی اور ہم اس میں کامیاب ہوئے ہیں۔رپورٹ میں بتایا گیا ہے کہ جس علاقے سے یہ برف دریافت کی گئی ہے وہ ہانگ کانگ سے 300 کلومیٹر دور شین ہوُ کا علاقہ کہلایا جاتا ہے۔ کان کنوں نے روزانہ کی بنیاد پر اب تک اوسطاً 16 ہزار کیوبک میٹر گیس جمع کر لی ہے۔