ملتان(آئی این پی)ملتان میں مچھیرے نے دریائے چناب سے 50کلو وزنی مچھلی پکڑلی ،ساڑھے 5فٹ لمبی مچھلی کو دیکھنے کیلئے شہری امڈ آئے ، بڑی مچھلی کو پکڑنے والے مچھیرے جاوید کا کہنا ہے کہ اس نے یہ مچھلی گزشتہ روزدریائے چناب سے پکڑی ہے ،اس سے قبل ملتان کی مچھلی منڈی میں اتنی بڑی مچھلی

نہیں لائی گئی۔دوسری طرف 50کلو وزنی مچھلی کو دیکھنے کیلئے ملتان کی مچھلی منڈی میں شہریوں کا تانتا بندھ گیا،شہریوں نے مچھلی کے ساتھ سلفیاں بنائیں جبکہ شہریوں نے مچھلی کو خریدنے کی خواہش کا اظہار کیا تاہم مچھیرے جاوید کا کہنا ہے کہ اس کا ابھی مچھلی فروخت کرنے کا فی الحال کوئی ارادہ نہیں ہے۔