وانگ جو (آئی این پی ) ہانگ کانگ ، جوہائی اور مکاؤ کو ملانے والے دنیا کے سب سے بڑے سمندری پل کی اہم تعمیر جمعہ کو مکمل ہو گئی ، یہ بات بلڈرز نے بتائی ہے ،اس پل کی تعمیر میں سات سال لگے ہیں اور اسے سال کے اواخر تک کھول دیا جائے گا ۔یہ بات پل کے مینجمنٹ بیورو کے ڈائریکٹر جو گان لن بتائی ہے ، مین سٹرکچر 29.6کلومیٹر ہے جس میں 22.9کلومیٹر پل کا حصہ اور 6.7کلومیٹر زیر زمین سرنگ ہے،

پل کی مجموعی لمبائی 55کلومیٹر ہے جو نے کہا کہ پل نے انجنیئرنگ کے تمام خطرات پاس کر لئے ہیں اور آئندہ چند ماہ میں عوامی استعمال کیلئے اس کو تیار کر لیا جائے گا ، چائنا کمیونیکیشنز کنسٹرکشن کمپنی کے چیف انجینئر لن منگ نے کہا کہ انہوں نے اس پل کی تعمیر میں انجینئرنگ کے زبردست چیلنجوں سے نمٹا ہے ، اس پل کی تعمیر میں 420000ٹن لوہا استعمال کیا گیا ہے جو کہ ساٹھ ایفل ٹاور تعمیر کرنے کے لئے کافی ہے اور اس کی تعمیر میں 1.08ملین مکعب میٹر سیمنٹ استعمال کیا گیا ہے ، اس پل کو فنی لحاظ سے انتہائی پیچیدہ پل قراردیا گیا ہے اور یہ بحیرہ لنگ ڈنگ میں جہاز رانی کے راستوں کے اوپر سے گزرتا ہے ۔انہوں نے کہا کہ ہمیں پانی میں ڈوبی ہوئی ٹیوبیں استعمال کرنی پڑیں ، تجربے کے فقدان کی وجہ سے ہمیں سمندر میں پہلی ٹیوب بچھانے میں 96گھنٹے لگے اور بیشتر انجنیئرز اور محنت کش بمشکل چار روز تک سو پائے ، تعمیر کے دوران ڈولفن مچھلی کی بنیاد 2009ء میں 1400سے بڑھ کر 2016ء میں 2100ہو گی ، وائی شکل کے پل کی تعمیر سے ہانگ کانگ اور جوہائی کے درمیان سفری وقت تین گھنٹے سے کم ہو کر صرف 30منٹ رہ جائے گا ۔