نئی دہلی (مانیٹرنگ ڈیسک)بھارت کے شہرمیرٹھ کےرہائشی سنگھ یادو کی اہلیہ کے اکاؤنٹ میں چند روز قبل بینک کی غلطی سے ایک ارب روپے منتقل ہوگئے جس کا علم ہونے پر میاں بیوی نے فوری طور پر بینک کو خبر کردی۔غیرملکی خبر رساں ایجنسی کے مطابق اس وقت بھارت میں یہ افواہیں گشت کررہی ہیں کہ نریندر مودی کی حکومت نے ایک خصوصی سکیم کے تحت جن دھن اکاؤنٹ کھولنے والے ہر شہری کے اکاؤنٹ میں لاکھوں روپے جمع کرادیئے ہیں۔
میرٹ کے رہائشی سنگھ یادو کی اہلیہ شیتل یادو نے بھی ایک نجی بینک میں جن دھن اکانٹ کھلوارکھاتھاجبکہ شیتل اور سنگھ کو اس افواہ پر یقین نہیں تھا لیکن پھر بھی گزشتہ ہفتے انہوں نے مقامی بینک کی اے ٹی ایم پہنچ کر اکاؤنٹ میں موجود رقم معلوم کی تو پتا چلا کہ شیتل کے جن دھن اکاؤنٹ میں 99,99,99,339 روپے ہیں جس پر دونوں میاں بیوی حیران رہ گئے کیونکہ ان کے حساب سے اس اکانٹ میں صرف 611 روپے ہونے چاہئے تھے۔
میاں بیوی پہلےاسے غلطی سمجھے لیکن بار بار اکاؤنٹ میں رقم چیک کرنے پر یہی ہندسہ ان کے سامنے آرہا تھا۔یہ دیکھ کر انہوں نے بینک کی متعلقہ برانچ کو اکاؤنٹ بیلنس درست کرنے کی فوری درخواست دےدی لیکن بینک حکام نے نہ تو وہ درخواست قبول کی اور نہ ہی اپنی غلطی تسلیم کی، اس کے بجائے شیتل کا اکاؤنٹ معطل کردیا ۔ بینک کے اس رویے پر سنگھ اور شیتل یادو نے میڈیا سے رابطہ کیا اوراس سارے واقعے کے بارے میں بتایا۔شیتل یادو نے کہا کہ انہیں بینک کی جانب سے ایک خط موصول ہوا ہے جس کے مندرجات وہ پوری طرح سمجھ نہیں پارہی ہیں۔ انہوں نے بینک کی کارکردگی پر طنز کرتے ہوئے کہا کہ پریشانی اور شور شرابے کے باوجود انہیں اس ایمانداری کا کوئی انعام نہیں دیاگیاہے ۔

موضوعات:بھارت بینک نریندر مودی