اسلام آباد (مانیٹرنگ ڈیسک)دبئی ائیر پورٹ پرحادثے کا شکار ہونے والے طیارے کا مسافر محمد بشیر دس لاکھ ڈالر کی لاٹری جیت گیا۔پہلے حادثے سے بچا پھر دس لاکھ ڈالر کی لاٹری بھی جیت لی بھارتی شہری محمد بشیر دنیا کا سب سے خوش قسمت انسان بن گیا۔بھارت سے تعلق رکھنے والے محمد بشیر پر قسمت کی دیوی کچھ زیادہ ہی مہربان ہے۔بشیر نے چھٹیاں گزارنے بھارت جاتے ہوئے دبئی کے ائیر پورٹ سے لاٹری کا ٹکٹ خرید اور واپسی پردس لاکھ ڈالر کی لاٹری جیت گیا۔دس لاکھ ڈالر کی لاٹری جیتنے والا یہ وہی شخص ہے جو کروڑ پتی بننے سے چھ دن قبل دبئی ائیر پورٹ پر حادثے کا شکار ہونے والے طیارے کا مسافر تھا۔دنیا کے سب سے خوش نصیب کہلائے جانے والے شخص محمد بشیر نے قرعہ اندازی میں حاصل کی گئی رقم سے اپنے ملک میں غریب بچوں کی مدد کا عزم کیا ہے۔