ماسکو ( نیوزڈیسک) روسی ارب پتی میخائل گڈ سریف کے بیٹے نے دنیا کی مہنگی ترین شادی رچا لی۔ میڈیا رپورٹ کے مطابق ماسکو کے ایک ریسٹورنٹ میں منعقدہ تقریب میں ایک ارب ڈالر کی رقم خرچ کی گئی۔ دلہن بھی خوب سج دھج کر آئی جس نے پچیس ہزار ڈالر کا جوڑا زیب تن کر رکھا تھا۔مہمانوں کا دل بہلانے کے لیے اسٹنگ بینڈ اور جنیفر لوپز کی پرفارمنس بھی تقریب کا حصہ تھی۔ تقریب میں شرکت کے لیے آنے والے مہمانوں کو رولس رائس میں ریسٹورنٹ تک لایا گیا۔ فوربز کے مطابق میخائل گڈ سریف کے اثاثوں کی مالیت چھ اعشاریہ دو ارب ڈالر ہے۔