اسلام آباد (نیوز ڈیسک)بھارتی ریاست بہار میں ذہنی طور پر معذور شخص نے آٹھ لاکھ روپے دریا میں پھینک دیے ، دریا میں بہتے پانچ سو ہزار کے نوٹ دیکھ کر مقامی افراد کی عید ہو گئی ، پولیس کے ہاتھ صرف پندرہ ہزار لگے۔
بھارتی ریاست بہار کے ضلع جہان آباد کے رہائشی اس وقت حیران رہ گئے جب انہوں نے دریا میں نہاتے ہوئے پانچ سو اور ہزار کے نوٹ پانی کی سطح پر تیرتے دیکھے ، لوگوں نے پیسے اکٹھے کرنا شروع کر دیے۔پولیس کے مطابق تیس سالہ ذہنی معذور شخص گپتا نییہ رقم دریا میں پھینکی جو ایک اسٹورچلاتا ہے۔ ذرائع کے مطابق گپتا اس رقم سے زمین خریدنا چاہتا تھا لیکن اچانک اسے دورہ پڑا اور اس نے آٹھ لاکھ کی خطیر رقم دریا میں پھینک دی۔ پولیس صرف پندرہ ہزار روپے واپس حاصل کرنے میں کامیاب ہوئی۔