نئی دہلی (نیوزڈیسک) بھارتی ریاست راجستھان کے رہائشی 77 سالہ شِو چرن یادیو اس سے قبل چھیا لیس مرتبہ میٹرک کے امتحان میں شامل ہو چکے ہیں لیکن ہر مرتبہ فیل ہوئے۔ تاہم موصوف کا جذبہ ابھی تک جوان ہے۔ انہوں نے رواں سال 10 مارچ سے شروع ہونے والے میٹرک امتحان میں ایک مرتبہ پھر شریک ہونے کا اعلان کر دیا ہے۔ یاد رہے کہ 77 سالہ شِو چرن یادیو نے 1968 ء میں پہلی بار میٹرک کا امتحان دیا تھا جس میں وہ ناکام ہو گئے۔ اس کے بعد سے وہ مسلسل میٹرک کا امتحان دے رہے ہیں لیکن ہر بار فیل ہو جاتے ہیں۔ شِو چرن یادیو کو اپنی بڑھتی عمر کی بھی کوئی فکر نہیں ہے۔ ان کا کہنا ہے کہ جب تک میٹرک کا امتحان پاس نہیں کرتا، میں کنوارا ہی رہوں گا۔