لاہور(نیوزڈیسک)ملکی تاریخ میں پہلی مرتبہ ایک جانورکی سالگرہ ایک وکلاءکی بارمیں منائی گئی۔لاہور ہائیکورٹ بار کی تاریخ میں پہلی مرتبہ ایک ایسے پالتو بلے کی سالگرہ کا کیک کاٹا گیا جو کچھ عرصہ قبل ایک ڈاکٹر کے غلط انجکشن کے سبب دم توڑ گیا تھا۔ایک نجی ٹی وی چینل کے مطابق سالگرہ کی انوکھی تقریب کا انعقاد پالتو بلے کی محبت میں گرفتار پنجاب یونیورسٹی کی خاتون پروفیسر ڈاکٹر عطیہ مسعود چوہدری نے کیا۔ خاتون پروفیسر کا کہنا تھا کہ پالتو بلے کی ہلاکت کے ذمہ دار ڈاکٹر کو سزا دلوا کر ہی دم لیں گی۔ سالگرہ کی تقریب میں وکلاکی بڑی تعداد نے شرکت کی۔