نیویارک(نیوز ڈیسک)امریکی ریاست مسیسپی کے ایک کنویں میں پھنسے 4سالہ بچے اور اس کے پالتو کتے کو رضاکاروں نے کڑی تگ و دو کے بعد بحفاظت باہر نکال لیا۔ یہ بچہ اپنے پالتوکتے کو ڈھونڈنے کو نکلا تھا جو کہ ایک ہفتے سے گم تھا۔اچانک ایک کنویں سے کتے کے بھونکنے کی آواز آئی تواپنے پالتو کتے کو دیکھنے کے لئے بچے نے جیسے ہی کنویں میں جھانکا،وہ بھی اندر جا گراجسے ریسکیو اہلکاروں نے کڑی محنت کے بعد اندر سے نکال لیا۔واقعے کے فوراً بعد بچے کو اسپتال پہنچا دیا گیا تاہم خوش قسمتی سے اسے کسی قسم کا کوئی نقصان نہیں پہنچا تھا۔