تھائی لینڈ (نیوز ڈیسک ) تھائی لینڈ کی ملکہ سری کٹ کی 83 ویں سالگرہ کے موقع پر دنیا کی سب سے بڑی سائیکل پریڈ کا اہتمام کیا گیا جسے گینز بک آف ورلڈ ریکارڈز میں درج کر لیا گیا ہے۔ حکومت کی جانب سے ملک بھر میں 76 مختلف مقامات پر سائیکل پریڈ منعقد کی گئی جس میں ایک لاکھ چھتیس ہزار چار سو گیارہ افراد نے شرکت کی۔ سائیکل پریڈ کے شرکا نے نیلے رنگ کی جرسیاں پہن رکھی تھیں جن کے پیچھے بائیک فار موم ” درج تھا۔ تینتالیس کلومیٹر طویل پریڈ میں ولی عہد ، وزیر اعظم سمیت کابینہ کے ارکان نے بھی حصہ لیا۔ اس سے پہلے تائیوان نے دو ہزار گیارہ میں بہتر ہزار نو سو انیس افراد نے سائیکل پریڈ کا ریکارڈ بنایا تھا۔