کیلیفورنیا (نیوز ڈیسک) امریکی ریاست کیلیفورنیا میں ایک شخص کی لاپرواہی کے باعث ایک خوفناک حادثہ پیش آیا جہاں ایک شخص کو اس کے ساتھی ورکرنے مچھلیوں کے ساتھ 132 ڈگری سینٹی گریڈ پر اوون میں پکا ڈالا ۔ ہوزے میلینا نامی 62 سالہ امریکی شہری ایک فوڈ کمپنی میں کام کرتا تھا جو کین فوڈ بناتی ہے اہوز ے اوون میں داخل ہو کر اس کی صفائی کررہاتھا ۔ جاں بحق ہونیوالے ورکرکے ساتھی نے سمجھا کہ وہ باتھ روم گیا ہو اہے ۔ اس نے لاپرواہی سے 6 ٹن مچھلی اس اوون میں ڈالی اور اسے آن کردیا جس سے ہوز ے بھی مچھلیوں کے ساتھ ہی پک گیا ور موت کا شکار ہوگیا عدالت میں اس کیس کی سماعت کے دوران ڈپٹی ڈسٹرکٹ اٹارنی ہون چن نے کہا کہ انہوں نے اس سے قبل جتنی بھی اموات کے بارے میں دیکھا اور سنا ہے یہ ان سب میں سے بھیانک ترین موت ہے ۔ دوسری جانب کمپنی نے ایک بیان میں کہا ہے کہ ہم اس واقعے کو کبھی نہین بھول سکتے ۔ اپنے ملازمین کی حفاظت ہماری اولین ترجیح ہے ۔ کمپنی نے بیان میں مزید کہا کہ ہم ہوزے میلینا کے لواحقین کو 60 لاکھ ڈالر ہرجانے کے طورپر ادا کرینگے ۔ ہرجانے کی رقم لنے کے بعد جوزکے لواحقین کمپنی کیخلاف جاری کیس سے دستبردار ہوجائیں گے ۔