امریکا (نیوزڈیسک)امریکا میں ایک سو چونسٹھ سکائی ڈائیورز نے زمین سے بیس ہزار فٹ کی بلندی پر ایک دوسرے کا ہاتھ تھام کر خوبصورت پھول بنا دیا اور اب تک کی سب سے بڑی عمودی سکائی ڈائیونگ کرکے عالمی ریکارڈ قائم کرلیا ۔ Illinoisمیں سکائی ڈائیورز کی انٹرنیشنل ٹیم نے سر نیچے کرکے سکائی ڈائیونگ کا مظاہرہ کیا ۔ جہاز سے گرتے ہی ایک سو چونسٹھ افراد نے ایک دوسرے کے ہاتھ تھام کر پھول کی شکل بنا دی اوراب تک کی سب سے بڑی عمودی سکائی ڈائیونگ کا ریکارڈ اپنے نام کرلیا ۔ اس منفرد ایونٹ میں برطانیہ ، فرانس ، بیلجیم ، کینیڈا ، آسٹریلیا ، فن لینڈ اور متحدہ عرب امارات کے سکائی ڈائیورز شامل تھے ۔