لندن(نیوزڈیسک)جانوروں کا چل بلا پن اور شرارتی انداز انہیں اکثر اوقات مشکل میں ڈال دیتا ہے اور یہی کچھ اس گائے کے ساتھ بھی ہوا۔ جی ہاں برطانیہ کی کاونٹی ڈربی شائر میں واقع جنگلات میں ایک گائے نے درختوں کے درمیان ہی اپنا سر پھنسا بیٹھی اور مدد کے لئے چلانے لگی۔ گائے کے چلانے کی آوازیں سن کر وہاں موجود لوگ دوڑے چلے آئے اور اپنی مدد آپ کے تحت اسے نکالنے کی کوششیں کرنے لگے۔ مقامی افراد نے ناکامی کے بعد ریسکیو اہلکاروں کو طلب کیا، جنہوں کئی گھنٹوں کی محنت اور جدوجہد کے بعد بالآخر گائے کو درختوں کے بیچ سے بحفاظت باہر نکال لیا۔