اسلام آباد(نیوزڈیسک )میکسیکو میں2ہزار افراد نے بیک وقت سب سے زیادہ سیلفیاں لینے کا عالمی ریکارڈ بنانے کی کوشش کی۔میکسیکو شہر میں سیلفی لینے کے ایک انوکھے ایونٹ کا انعقاد کیا گیا جس میں تقریباً 2ہزار افراد نے شرکت کی۔شرکاء نے اپنے ہاتھوں میں جدید کیمرے اور موبائل فون تھام رکھے تھے اور منتظمین کا اشارہ ملتے ہی ان کے ذریعے اپنی سیلفیاں بنا ڈالیں۔منتظمین کے مطابق ایونٹ میں شامل 2ہزار افراد نے بیک وقت اپنی سیلفیاں لیں جو کہ بیک وقت سب سے زیادہ سیلفیاں لینے کا عالمی ریکارڈہے ،تاہم گنیز بک آف ورلڈ ریکارڈ نے اس حوالے سے تاحال کوئی تصدیق یا تردید نہیں کی ہے۔