لندن(نیوزڈیسک ) ہرٹفورڈ شائر میں کانوں کے بغیر پیدا ہونے والے بچے کی پہلی بار دھوپ کا چشمہ پہننے کی خواہش پوری ہو گئی۔
برطانوی نشریاتی ادارے کے مطابق لندن میں ہرٹفورڈ شائر سے تعلق رکھنے والا 9 سالہ کائرن سورکن بغیر کان کے بھی چشمہ لگاتا ہے، کائرن جب پیدا ہوا تو اسے بائی لیٹرل مائیکروشیا نامی بیماری تھی اور اس کے کان غیر معمولی طور پر چھوٹے تھے.کائرن کےدو آپریشن کیے گئے پہلے آپریشن کے لیےان کی پسلیوں سے کرکری ہڈی لی گئی جب کہ دوسرے آپریشن کے لیے سر کے اوپری حصے کی کھال لی گئی جس کی مد سے اب ان کے کانوں کی شکل تیارہوگئی ہے اوراب وہ دھوپ کا چشمہ بھی بہت خوشی خوشی لگا سکتا ہے۔کائرن کا کہنا ہے کہ آپریشن کر نے والے ڈاکٹرز دنیا کے بہترین سرجن ہیں جنھوں نے ان کی دھوپ میں چشمہ لگانے کی خواہش پوری کردی ہے.