اسلام آباد(نیوز ڈیسک )کھلے مین ہول اور کنویں اکثر اوقات انسانوں کے ساتھ ساتھ جانوروں کے لیے بھی مشکلات کا سبب بن جاتے ہیں۔ جارجیا میں بھی بغیر ڈھکنے کے ایسے ہی کنویں میں 1بیل جاگرا جس کی آوازیں سن کر قریب ہی کھیتوں میں کام کرنے والے کسان دوڑے چلے آئے اور اپنی مدد آپ کے تحت اسے نکالنے کی کوششیں کرنے لگے۔ مقامی افراد نے ناکامی کے بعد ریسکیو اہلکاروں کو طلب کیا جنہوں کئی گھنٹوں کی محنت اور جدوجہد کے بعد 1500پاﺅنڈ وزنی بیل کو رسیوں سے باندھ کر کرین کے ذریعے باہر نکال لیا۔