اسلام آباد (مانیٹرنگ ڈیسک) موتیوں سے سفید دانتوں کی اوپری سطح عمر بڑھنے اور چبانے یا ان کے استعمال کی وجہ سے اترنے لگتی ہے اور اس لیے یہ بہت اہم ہے کہ دانتوں کی خصوصی نگہداشت کی جائے۔ اس کا ایک بنیادی اصول تو یہ ہے کہ اپنے دانتوں کی صفائی کے لیے دن بھر میں کم از کم دو بار برش کریں اور ایسی غذاﺅں کا استعمال کریں جو دانتوں کی سفیدی اور مضبوطی میں مدد دیں۔
ویسے تو اکثر افراد کمرشل ٹوتھ پیسٹ کو اس مقصد کے لیے استعمال کرتے ہیں مگر کچھ گھریلو ٹوٹکوں کو بھی آزما کر دانتوں کی صفائی کو یقینی بناتے ہیں۔ دانتوں میں چھپی بیماریوں کی علامات ان میں سے ہی ایک پرانا ٹوٹکا مسٹرڈ آئل (سرسوں کا تیل) اور نمک کے امتزاج کا استعمال ہے۔ ان دونوں کا مکسچر دانتوں کی صفائی میں مدد دیتا ہے۔ ویسے انہیں استعمال کرنے کا طریقہ جاننے سے پہلے یہ ضرور معلوم ہونا چاہئے کہ دانتوں کی صفائی کے لیے کن احتیاطی تدابیر کو اختیار کرنے کی ضرورت ہے۔ میٹھے مشروبات اور جنک فوڈ، دانتوں کی صفائی کا خیال نہ رکھنا، دانتوں کی صفائی اور چیک اپ کو نظرانداز کرنا، کسی بھی شکل میں تمباکو کا زیادہ استعمال وغیرہ دانتوں کے مسائل کا باعث بننے والی چند وجوہات ہیں۔ مسٹرڈ آئل اور نمک کا مکسچر مسوڑوں کی صفائی کے ساتھ دانتوں پر جمی گندگی کو ہٹاتا ہے۔ دانتوں کو جگمگائیں ان 11 طریقوں سے نمک دانتوں پر داغ کو ہٹا کر انہیں چمکاتا ہے جبکہ مسٹرڈ آئل مسوڑوں کو مضبوطی دینے کے ساتھ پلاک کو دور کرتا ہے۔ ان دونوں کو استعمال کرنے کے لیے چٹکی بھر آئیوڈین سے پاک نمک لیں اور کچھ مقدار میں مسٹرڈ آئل میں شامل کردیں، اگر چاہیں تو چٹکی بھر ہلدی کا بھی اضافہ کرسکتے ہیں۔ اس کے بعد مکسچر کو لیں اور شہادت کی انگلی سے اس سے دانتوں پر دو منٹ تک مالش کریں۔ اس کے بعد چند منٹ کے لیے منہ بند کرکے رکھیں اور پھر نیم گرمی پانی سے کلیاں کرلیں اور اس مکسچر کا استعمال معمول بنانے سے چند دنوں میں آپ نمایاں فرق دیکھ سکیں گے۔ اگر دانتوں کے شدید امراض کا سامنا ہو تو ڈینٹسٹ کے مشورے کے بعد ہی اس مکسچر کا استعمال کریں۔
