کراچی(این این آئی) طبی ماہرین کے مطابق جلدی امراض میں فنگس عام ہے ٗدنیا میں اس وقت بے شمار اقسام کے جلدی امراض ہیں جن کے پھیلنے کے اسباب بھی لاتعداد ہیں لیکن کراچی والوں کو فنگس سے خطرہ ہے۔ جلد پر لال دھبوں کی یہ بیماری ایک دوسرے کے تولیے اور کپڑے استعمال کرنے سے پھیلتی ہے۔
ڈاکٹر نمی کے موسم اور دھول مٹی کو بھی جلدی امراض کی وجہ بتاتے ہیں۔ جلدی امراض میں مبتلا مریض بڑی تعداد میں کراچی کے چمڑا ہسپتال کا رخ کرتے ہیں۔ ریگل چوک پر قائم یہ ہسپتال پچاس بستروں پر مشتمل ہے جہاں یومیہ تین سیپانچ ہزارمریض علاج کے لیے آتے ہیں۔ہسپتال میں اپنے فارمولے سے ہی ادویات تیار ہوتی ہیں جو مریضوں کو مفت دی جاتی ہیں۔ مریضوں کو تجویز کردہ مختلف ٹیسٹ کیلیے لیبارٹری بھی موجود ہے۔
