پشاور(این این آئی) صوبہ پختونخوا کے دارالحکومت پشاور میں ڈینگی وائرس نے تشویش ناک صورت حال اختیار کر لی ہے جبکہ متاثرہ مریضوں کی تعداد 700 سے تجاوز کر گئی ہے ٗشہر کے متاثرہ علاقوں میں تہکال کے بعد پشتخرہ، سفیدی ڈھیری اور اچینی پایاں شامل ہیں۔
تفصیلات کے مطابق اب تک دس افراد اس وائرس سے متاثر ہوکر زندگی کی بازی ہار چکے ہیں جبکہ خیبر پختون خوا کے بڑے ہسپتالوں میں زیر علاج ایسے مریضوں کی تعداد 130 ہے۔پشاور کے ہسپتال خیبر ٹیچنگ میں 3000 مشتبہ مریضوں کی اسکریننک ہوچکی ہے۔
