ممبئی (این این آئی)بالی ووڈ کے مسٹر پرفیکشنسٹ عامر خان نے کا ہے کہ اب مزید فلموں میں اداکاری نہیں کرنا چاہتا۔میڈیا رپورٹ کے مطابق عامر خان نے بالی ووڈ اداکارہ ریا چکرورتی کے پوڈکاسٹ میں بطور مہمان شرکت کی ۔ریا چکرورتی نے عامر خان سے پوچھا کہ جب آپ آئینہ دیکھتے ہیں تو خود کودیکھ کر آپ کو لگتا ہے کہ آپ خوبصورت ہیں یا آپ اسٹار ہیں؟،عامر خان نے کہا کہ میں خود کو خوبصورت نہیں سمجھتا کیونکہ بالی ووڈ میں کافی سارے پرکشش لوگ ہیں۔

انہوں نے کہا کہ شاہ رخ خان، سلمان خان اور ہریتھک روشن تینوں بہت ہینڈسم ہیں۔اداکار نے کہا کہ لوگ تو میرے کپڑوں کا مذاق اڑاتے رہتے ہیں کہ یہ پتا نہیں کیا پہن کر آجاتا ہے۔انہوں نے کہا کہ میں اب فلمی دنیا سے الگ ہونا چاہتا ہوں اور اداکاری چھوڑنا چاہتا ہوں جس پر ریا چکرورتی نے کہا کہ آپ جھوٹ بول رہے ہیں اس لئے مجھے ابھی جھوٹ پکڑنے والا ٹیسٹ کرنا پڑے گا۔ جس پر عامر خان نے مسکراتے ہوئے پراعتماد انداز میں کہا کہ چلو، آپ کرواو ٹیسٹ۔