لاہور( این این آئی)گلوکار فلک شبیر نے اپنی بیٹی کی ہسپتال سے پہلی ویڈیو شیئر کردی۔انسٹاگرام پر فلک شبیر نے ایک ویڈیو شیئر کی ہے جس میں سارہ خان نے ننھی پری کو گود میں لیا ہوا ہے اور انہیں پیار کررہی ہیں۔فلک شبیر نے سوشل میڈیا پر ہسپتال سے اپنی بیٹی عالیانہ فلک اور

اہلیہ سارہ خان کی ویڈیو شیئر کی اور دو تصاویر بھی شیئر کیں۔ انہوں نے دنیا کی تمام مائوں کو سپر ہیروز قرار دیا اور لکھا مائیں کائنات کی ہر چیز کو سنبھال سکتی ہیں۔انہوں نے سارہ خان کے لیے خوبصورت پیغام لکھا سارہ تم صرف میرے بچے کی ماں نہیں ہو بلکہ میرے دل کی دھڑکن ہو۔ میں تم سے وعدہ کرتاہوں کہ میں اپنی زندگی کی آخری سانس تک تم سے محبت کروں گا اور تمہاری اور ہماری بیٹی کی حفاظت کروں گا۔واضح رہے کہ سارہ خان اور فلک شبیر گزشتہ برس شادی کے بندھن میں بندھے تھے۔ ان کا شمار پاکستان شوبز انڈسٹری کی خوبصورت جوڑیوں میں ہوتا ہے۔اداکارہ سارہ خان اور فلک شبیر کے گھر گزشتہ روز بیٹی کی پیدائش ہوئی تھی،فلک شبیر اور سارہ خان نے اپنی ننھی پری کا نام عالیانہ فلک رکھا ہے۔