ممبئی (این این آئی) بالی ووڈ کے آنجہانی اداکار سوشانت سنگھ راجپوت کی سابق گرل فرینڈ بھارتی اداکارہ ریا چکرورتی کی نئی تصاویر پر شدید تنقید کی جارہی ہے۔گزشتہ دنوں ریا نے ایک سالگرہ کی تقریب میں شرکت کی جہاں بھارتی ٹی وی شو کے سابق میزبان راجیو لکشمن بھی

موجود تھے۔اس تقریب میں شرکت کے دوران ریا سے گلے ملنے کی تصاویر راجیو نے اپنے انسٹاگرام پر پوسٹ کیں اور اس کے ساتھ ‘مائی گرل’ کا جملہ لکھا۔ یہ تصاویر سوشل میڈیا پر وائرل ہونے کے بعد سے تنقید کی زد میں ہیں۔سوشل میڈیا پر کی جانے والی تنقید کے بعد راجیو نے ریا کے ساتھ تصاویر اپنے اکائونٹ سے ہٹا دیں جبکہ راجیو کی اہلیہ نے بھی گروپ فوٹو ہٹا دیا۔بعد ازاں راجیو نے ایک اور پوسٹ کی اور لکھا کہ ایک غیرذمہ دارانہ لفظ کی وجہ سے پریشانی بڑھ گئی ہے تاہم ریا میری پرانی اور اچھی دوست ہے جن سے دوبارہ مل کر خوشی ہوئی۔واضح رہے کہ اس پارٹی میں بالی وڈ اداکار فرحان اختر سمیت انڈسٹری کے کئی نامور لوگ بھی شریک تھے۔