اسلام آباد (نیوز ڈیسک) ملک بھر میں سونے کی قیمت میں کمی ریکارڈ کی گئی ہے، جس کے بعد فی تولہ سونا ایک ہزار روپے سستا ہوگیا۔

آل پاکستان جیمز اینڈ جیولرز ایسوسی ایشن کے مطابق ایک ہزار روپے کی کمی کے بعد فی تولہ سونے کی نئی قیمت 4 لاکھ 62 ہزار 136 روپے ہوگئی ہے۔

اسی طرح 10 گرام سونے کی قیمت میں بھی 857 روپے کمی ہوئی، جس کے بعد 10 گرام سونا 3 لاکھ 96 ہزار 207 روپے میں فروخت ہورہا ہے۔

دوسری جانب بین الاقوامی مارکیٹ میں بھی سونے کی قیمت میں کمی دیکھنے میں آئی۔ عالمی بازار میں فی اونس سونا 10 ڈالر کمی کے بعد 4,396 ڈالر کی سطح پر آگیا ہے۔