اسلام آباد(نیوز ڈیسک)ملک بھر میں سونے کے نرخوں میں کمی کا رجحان برقرار ہے اور آج بھی فی تولہ سونے کی قیمت میں نمایاں کمی ریکارڈ کی گئی ہے۔

آل پاکستان صرافہ جیمز اینڈ جیولرز ایسوسی ایشن کے جاری کردہ اعداد و شمار کے مطابق سونے کی فی تولہ قیمت میں 800 روپے کمی ہوئی، جس کے بعد نیا بھاؤ 4 لاکھ 65 ہزار 336 روپے فی تولہ مقرر ہوگیا۔اسی طرح 10 گرام سونے کی قیمت بھی کم ہوگئی۔ اس میں 686 روپے کی کمی کے بعد 10 گرام سونا 3 لاکھ 98 ہزار 950 روپے میں فروخت ہو رہا ہے۔خیال رہے کہ سونے کی قیمت میں کمی کا سلسلہ گزشتہ روز بھی جاری رہا تھا، جب فی تولہ سونا 1 ہزار 800 روپے سستا ہوا تھا۔