اسلام آباد( این این آئی)سرکاری افسران کی سوشل میڈیا سرگرمیوں کی نگرانی کیلئے خصوصی سوشل میڈیا مانیٹرنگ سیل قائم کرنے کا فیصلہ کرلیا گیا۔
اسٹیبلشمنٹ ڈویژن کے حکام کے مطابق سوشل میڈیا مانیٹرنگ سیل ایک سے 2 ماہ کے دوران فعال ہوجائے گا جبکہ گریڈ 17 کا ملازم سیل کا نگران ہوگا۔سرکاری ملازمین کی سوشل میڈیا سرگرمیوں پر پابندیوں کے بارے میں رپورٹ قائمہ کمیٹی کو پیش کر دی گئی، سرکاری ملازمین کے سوشل میڈیا استعمال کے حوالے سے نئے قوانین بنائے گئے ہیں، سرکاری افسر ذاتی اور آفیشل سوشل میڈیا اکائونٹس کو ذاتی تشہیر کیلئے استعمال نہیں کر سکتے،سرکاری اکائونٹس کو ذاتی تشہیر کیلئے استعمال کرنے پر پابندی ہو گی،
کئی سرکاری افسران سوشل میڈیا اکائونٹس کو اپنی تشہیر کیلئے استعمال کرتے ہیں، اسٹبلشمنٹ ڈویژن اپنا سوشل میڈیا مانیٹرنگ سیل بنا رہی ہیں، اب سرکاری ملازمین اپنی تشہیر نہیں کر سکیں گے۔
