اسلام آباد (نیوز ڈ یسک)عالمی مارکیٹ میں قیمتی دھاتوں کے نرخوں میں کمی دیکھی گئی ہے، جس کے نتیجے میں سونے اور چاندی سمیت دیگر دھاتوں کی قیمتیں بھی نیچے آگئیں۔

رپورٹ کے مطابق اسپاٹ گولڈ کی قیمت میں 0.5 فیصد کمی ہوئی، جس کے بعد یہ 4 ہزار 576.30 ڈالر فی اونس پر آگیا۔ اسی طرح امریکی گولڈ فیوچرز کی قیمت 0.8 فیصد کم ہوکر 4 ہزار 629 ڈالر فی اونس ریکارڈ کی گئی۔چاندی کے اسپاٹ نرخ میں بھی ایک فیصد کمی ہوئی، جس کے بعد قیمت 68.54 ڈالر فی اونس ہوگئی۔ پیلیڈیم 0.8 فیصد کمی کے بعد 1 ہزار 339.84 ڈالر جبکہ پلاٹینم 0.6 فیصد گھٹ کر 1 ہزار 834.83 ڈالر فی اونس پر آگیا۔رپورٹ میں بتایا گیا ہے کہ امریکی شرح سود میں اضافے کے امکانات بھی مارکیٹ پر اثرانداز ہو رہے ہیں۔

موجودہ اندازوں کے مطابق شرح سود میں اضافے کا امکان 33.9 فیصد جبکہ دسمبر تک اضافے کا امکان 74 فیصد تک ہے۔ماہرین کے مطابق بلند شرح سود کے ماحول میں سونے کی کشش کم ہوسکتی ہے، کیونکہ یہ اثاثہ سرمایہ کاروں کو باقاعدہ سود یا منافع فراہم نہیں کرتا، جس کے باعث شرح سود میں اضافے کی توقعات سونے کی قیمتوں پر دباؤ ڈال سکتی ہیں۔