اسلام آباد(نیوز ڈیسک) پاکستان کی اوپن مارکیٹ میں امریکی ڈالر کی قیمت میں معمولی کمی ریکارڈ کی گئی ہے،
جبکہ انٹربینک مارکیٹ میں بھی ڈالر کے نرخ میں معمولی کمی دیکھنے میں آئی۔ایکسچینج کمپنیز ایسوسی ایشن کے جاری کردہ اعداد و شمار کے مطابق اوپن مارکیٹ میں ڈالر کی قیمت 50 پیسے کم ہونے کے بعد 279 روپے 61 پیسے پر آ گئی۔دوسری جانب انٹربینک میں بھی امریکی کرنسی کی قدر میں ایک پیسے کی کمی ہوئی۔ اسٹیٹ بینک آف پاکستان کے مطابق کاروباری دن کے اختتام پر انٹربینک مارکیٹ میں ڈالر 277 روپے 70 پیسے کی سطح پر بند ہوا۔یوں اوپن مارکیٹ اور انٹربینک دونوں میں ڈالر کے نرخ میں معمولی کمی سامنے آئی ہے۔
