لاہور( این این آئی)سعودی ایئرلائن ریاض ایئر نے پاکستان کے لئے براہ راست پروازیں چلانے کا اعلان کردیا
جس کے تحت آپریشن کا آغاز 14 اگست کو ہوگا۔ترجمان ریاض ایئر کے مطابق ابتدائی طورپر اسلام آباد اورلاہور کے لیے پروازیں چلائی جائیں گی، یومیہ ایک جبکہ لاہور کے لئے ہفتے میں تین پروازیں چلائی جائیں گی۔ترجمان کے مطابق پروازیں جدید بوئنگ 787 ڈریم لائنرزطیاروں کے ذریعے آپریٹ ہوں گی جن سے پاکستان اور سعودی عرب کے درمیان سفری سہولتوں میں اضافہ ہوگا۔ریاض ایئر کے مطابق نئی سروسز کاروباری، سیاحتی اور عمرہ زائرین کو بہتر سفری سہولت فراہم کریں گی، سعودی عرب کے علاوہ پاکستان سے یورپ اور مشرق وسطی کیلئے بھی کنیکٹنگ فلائٹس دستیاب ہوں گی۔
