اسلام آباد (این این آئی) ملک میں پٹرولیم مصنوعات کی قیمتوں میں اضافے کے بعد 27اشیاء کے نرخ بڑھ گئے۔

ادارہ شماریات کی جانب سے جاری رپورٹ کے مطابق ایک ہفتے میں 6اشیا سستی ،18کی قیمتیں مستحکم رہیں۔ حکام کے مطابق ہفتہ وارمہنگائی کی شرح میں اوسطا 0.91فیصد کمی ریکارڈ کی گئی،جبکہ سالانہ بنیادوں پر مہنگائی کی شرح 9.05فیصد رہی۔ادارہ شماریات کے مطابق پیٹرولیم مصنوعات کی قیمتوں میں اضافے کے اثرات اشیائے خورونوش پر بھی پڑے،ایک ہفتے میں پیاز 7.62فیصد،،انڈے 3.16فیصد،، آٹا 2فیصد، آلو 1.93فیصدمہنگے ہوئے،ایک ہفتے میں پیٹرول 2.46فیصد،ڈیزل 4.17فیصد،ایل پی جی 1.90فیصد مہنگی ہوئی۔

رپورٹ کے مطابق ہفتہ واربنیادوں پر ٹماٹر 22.96فیصد،چکن 11.20فیصد اور سالانہ بنیادوں پر ٹماٹر کی قیمت میں 228.71فیصد،پیازمیں 95.36 فیصد، آٹے میں 78.65فیصد،بجلی کے سہ ماہی چارجز 9.06فیصد سستے ہوئے،ایل پی جی میں 51.76فیصد،ڈیزل میں 37.42 فیصد اورپیٹرول میں 23.28فیصداضافہ ریکارڈ کیاگیا۔ سالانہ بنیادوں پرآلو 30.89فیصد،چنے کی دال 19.89فیصد، چکن 19.56فیصد،چینی 17.48 فیصد، انڈے 8.38 فیصد اور مونگ کی دال 7.38 فیصد سستی ریکارڈ کی گئیں۔