اگست 2026 میں سرکاری تعطیلات کے باعث سرکاری و نجی اداروں کے ملازمین اور طلبہ کو معمول سے زیادہ آرام کے مواقع ملنے کا امکان ہے۔ یومِ آزادی، عید میلاد النبی ﷺ کی متوقع چھٹی اور ہفتہ وار تعطیلات کی وجہ سے متعدد افراد کو طویل ویک اینڈز بھی میسر آ سکتے ہیں۔
2026 کے کیلنڈر کے مطابق اگست میں وفاقی سطح پر دو عام سرکاری تعطیلات متوقع ہیں۔ چونکہ اس مہینے میں ہفتہ اور اتوار پانچ، پانچ مرتبہ آئیں گے، اس لیے وہ ادارے جہاں دونوں دن تعطیل ہوتی ہے، وہاں مجموعی طور پر 12 چھٹیوں کا امکان ہے۔
دوسری جانب ایسے دفاتر اور ادارے جہاں صرف اتوار کی تعطیل ہوتی ہے، وہاں ملازمین کو پانچ اتوار کے علاوہ دو ممکنہ سرکاری تعطیلات بھی مل سکتی ہیں، جس کے نتیجے میں کل سات دن کی چھٹی متوقع ہے۔
یومِ آزادی پر مسلسل تین روزہ تعطیلات
14 اگست، یومِ آزادی، اس سال جمعہ کے روز واقع ہو رہا ہے۔ اس کے بعد ہفتہ اور اتوار کی معمول کی تعطیلات شامل ہونے سے کئی سرکاری و نجی اداروں کے ملازمین اور طلبہ کو 14 سے 16 اگست تک تین روزہ طویل ویک اینڈ ملنے کا امکان ہے۔
عید میلاد النبی ﷺ کی متوقع تعطیل
اگست کے آخر میں عید میلاد النبی ﷺ کے موقع پر بھی سرکاری تعطیل متوقع ہے۔ موجودہ قمری اندازوں کے مطابق 12 ربیع الاول 25 اگست 2026 کو ہونے کی توقع ہے، تاہم اس تاریخ کا حتمی تعین چاند کی رویت کے بعد کیا جائے گا۔
اگر یکم ربیع الاول 15 اگست کو قرار پاتا ہے تو 12 ربیع الاول 26 اگست، بروز بدھ ہوگی۔ اسی وجہ سے عید میلاد النبی ﷺ کی سرکاری چھٹی کی درست تاریخ مرکزی رویت ہلال کمیٹی کے اعلان اور وفاقی حکومت کے باضابطہ نوٹیفکیشن کے بعد ہی واضح ہوگی۔
حکام نے شہریوں کو مشورہ دیا ہے کہ تعطیلات کے حتمی شیڈول ک
