اسلام آباد( این این آئی) وفاقی حکومت نے آئندہ مالی سال کے بجٹ میں ایکسپورٹس پر ایڈوانس انکم ٹیکس اور کم از کم ٹیکس میں کمی کر دی ۔

بجٹ دستاویزات کے مطابق ایڈوانس انکم ٹیکس اور کم از ٹیکس جو مجموعی طو رپر 2فیصد عائد ہے کو کم کر کے 1.25فیصد کرنے کی تجویز ہے جو کہ کم از کم ٹیکس کی مد میں ہوگا۔ بجٹ دستاویزات کے مطابق بینکوں کے جاری کردہ کریڈٹ یاڈیبٹ کارڈ کے بیرون ملک استعمال پر ہر ٹرانزیکشن پر 5فیصد ود ہولڈنگ ٹیکس دینا پڑتا ہے اس ٹیکس کی وجہ سے رقم کی منتقلی کے لئے غیر روایتی ذرائع کا استعمال کا رجحان بڑھ رہا ہے جس کی حوصلہ شکنی کے لئے ود ہولڈنگ ٹیکس کی اس شرح کو 0.5فیصد کرنے کی تجویز ہے تاکہ اسے معمول کی فنانشل ٹرانزیکشن کی سطح پر لایا جا سکے ۔اور معیشت کو دستاویز بنانے کی حکومتی کوششوں کو تقویت مل سکے۔