اسلا م آباد (نیوز ڈیسک)ایپل کے متوقع فلیگ شپ اسمارٹ فون آئی فون 18 پرو میکس کے بارے میں ایک نئی لیک سامنے آئی ہے

جس نے ٹیکنالوجی شائقین کی توجہ اپنی جانب مبذول کر لی ہے۔ تازہ اطلاعات کے مطابق فون کے ممکنہ رنگوں سے متعلق تفصیلات سوشل میڈیا پر گردش کر رہی ہیں۔غیر ملکی میڈیا رپورٹس کے مطابق لیک ہونے والی تصاویر میں آئی فون 18 پرو میکس کے فریم مختلف رنگوں میں دکھائے گئے ہیں۔ ان تصاویر سے اندازہ ہوتا ہے کہ کمپنی اس بار ڈارک چیری، کلاؤڈ بلیو اور بلیک رنگوں کے آپشنز پیش کر سکتی ہے۔رپورٹس میں دعویٰ کیا جا رہا ہے کہ ڈارک چیری رنگ اس سیریز کا خاص اور نمایاں کلر ہو سکتا ہے۔ ماضی میں بھی ایسی افواہیں سامنے آتی رہی ہیں کہ ایپل گہرے سرخ یا وائن شیڈ رنگ متعارف کرانے پر غور کر رہی ہے، جبکہ حالیہ لیکس نے ان امکانات کو مزید مضبوط کر دیا ہے۔دوسری جانب کلاؤڈ بلیو رنگ بھی صارفین کی دلچسپی کا مرکز بنا ہوا ہے۔

ماہرین کے مطابق یہ ہلکے نیلے رنگ کا ایک منفرد شیڈ ہے جو ایپل کے بعض موجودہ ڈیوائسز میں موجود رنگوں کے مقابلے میں زیادہ دلکش اور نمایاں محسوس ہوتا ہے۔ٹیکنالوجی حلقوں میں یہ بھی کہا جا رہا ہے کہ آئی فون 18 پرو اور آئی فون 18 پرو میکس کو رواں سال ستمبر میں پیش کیا جا سکتا ہے۔ اس کے ساتھ ایپل کی جانب سے ایک نئے آئی فون الٹرا ماڈل کی رونمائی کا امکان بھی ظاہر کیا جا رہا ہے۔رپورٹس کے مطابق بنیادی آئی فون 18 اور آئی فون 18 ای ماڈلز کی لانچ اگلے سال موسم بہار میں متوقع ہے۔ تاہم ایپل نے تاحال ان لیکس یا مجوزہ رنگوں کے بارے میں کوئی سرکاری تصدیق یا ردِعمل جاری نہیں کیا۔