اسلام آباد (این این آئی)وفاقی حکومت نے مالی سال 2026-27ء کے بجٹ میں تنخواہوں میں 10سے 15فیصدا ضافہ تجویز کیا ہے۔
ذرائع کے مطابق ہفتے کو وزیراعظم شہباز شریف کی زیر صدارت غیر رسمی اجلاس کا انعقاد ہوا جس میں نئے مالی سال کے بجٹ بالخصوص پی ایس ڈی پی، ٹیکسز اور تنخواہوں اور پنشن میں اضافہ کے ایشوز پر مشاورت کی گئی۔ذرائع کے مطابق وفاقی وزیر خزانہ نے وزیر اعظم کو بجٹ کے اہم پہلوء وں پر بریفنگ دی، افراط زر کی شرح کے تناسب سے سر کاری ملازمین کی تنخواہوں میں 10فی صد سے 15فی صد کے درمیان اضافے کی تجویز ہے تاہم وزیر اعظم نے ہدایت کی ہے کہ متوقع وسائل کی روشنی میں ورکنگ کی جائے کہ ملازمین کو کتنا ریلیف دیا جاسکتا ہے۔ذرائع کے مطابق سرکاری ملازمین کی تنخواہوں میں اضافے کا فیصلہ وزیراعظم شہباز شریف اتحادیوں سے مشاورت کے بعد کریں گے۔
