اسلام آباد( این این آئی)حکومت نے پیٹرول پر پٹرولیم لیوی میں 24روپے 74پیسے فی لیٹر اضافہ کر دیا جبکہ مٹی کا تیل بھی 8روپے 70پیسے فی لیٹر مہنگا کر دیا گیا۔

میڈیارپورٹ کے مطابق پٹرولیم لیوی میں 24روپے 74پیسے فی لیٹر اضافے کے بعد پیٹرول پر پیٹرولیم لیوی بڑھ کر 116روپے 8پیسے فی لیٹر ہوگئی ہے۔دوسری جانب ڈیزل پر پٹرولیم لیوی میں 24روپے 34پیسے فی لیٹر کمی کی گئی ہے اور لیوی 68روپے 93پیسے سے کم ہو کر 44روپے 59پیسے فی لیٹر مقرر کر دی گئی ہے۔ذرائع کے مطابق مٹی کے تیل پر پٹرولیم لیوی 20روپے چھتیس پیسے فی لیٹر برقرار رکھی گئی ہے، تاہم مٹی کا تیل 8روپے 70پیسے فی لیٹر مہنگا کر دیا گیا ہے جس کے بعد اس کی نئی قیمت 280روپے 70پیسے فی لیٹر ہو گئی ہے جبکہ اس سے قبل مٹی کے تیل کی قیمت 272 روپے فی لیٹر تھی۔