اسلام آباد (نیوز ڈیسک) ملک بھر میں سونے کی قیمتوں میں آج نمایاں کمی ریکارڈ کی گئی،

جس کے نتیجے میں قیمتی دھات کے خریداروں کو کچھ ریلیف ملا ہے۔ ایک روز قبل سونے کے نرخوں میں اضافہ دیکھنے میں آیا تھا، تاہم آج مارکیٹ کا رجحان نیچے کی جانب رہا۔تازہ اعداد و شمار کے مطابق فی تولہ سونے کی قیمت 3 ہزار 100 روپے کم ہونے کے بعد 4 لاکھ 71 ہزار 762 روپے پر آ گئی ہے۔

اسی طرح 10 گرام سونے کی قیمت میں بھی 2 ہزار 658 روپے کی کمی ہوئی، جس کے بعد اس کا نیا ریٹ 4 لاکھ 4 ہزار 459 روپے مقرر کر دیا گیا ہے۔

بین الاقوامی مارکیٹ میں بھی سونے کی قیمتوں میں گراوٹ دیکھی گئی، جہاں فی اونس سونا 31 ڈالر سستا ہو کر 4 ہزار 494 ڈالر تک پہنچ گیا۔

دوسری جانب چاندی کی قیمت میں کسی قسم کی تبدیلی نہیں ہوئی۔ مقامی مارکیٹ میں فی تولہ چاندی بدستور 8 ہزار 34 روپے میں فروخت ہو رہی ہے۔