اسلام آباد (این این آئی)بجٹ میں خوراک اور روزمرہ ضروری اشیا پر بھاری ٹیکس برقرار رہنے کا امکان ہے۔

دستاویز کے مطابق سفیدکرسٹلائن چینی پر 20 فیصدکسٹمزڈیوٹی اور 4فیصداضافی ڈیوٹی کی وصولی کی جارہی ہے،ویجی ٹیبل گھی ،کوکنگ آئل ،چائے کی پتی ،چینی،خشک دودھ ،تیارشدہ خوراک،بجلی اور گیس پر 18فیصد سیلزٹیکس بھی نافذ ہے،مختلف اقسام کی ادویات پر بھی ایک فیصد سیلزٹیکس لیاجا رہا ہے۔دستاویزکے مطابق چکن پر 20 فیصدکسٹمز اور4فیصد اضافی کسٹمز ڈیوٹی نافذہے،انڈوں پر 3 فیصد سے لیکر 16 فیصد تک کسٹمز ڈیوٹی کی وصولی جاری ہے جبکہ ریگولیٹری ڈیوٹی اس کے علاوہ ہے،آلو پر 20 فیصدریگولیٹری ڈیوٹی،ٹماٹر اورپیاز پر 5،5فیصد کسٹمز ڈیوٹی نافذ ہے ،

اس کے علاوہ گندم اور چاول پر10،10فیصد جبکہ گندم کے آٹے پر5فیصد کسٹمز ڈیوٹی لی جا رہی ہے،خام سویابین آئل پرساڑھے 10ہزار روپے فی میٹرک ٹن کسٹمز ڈیوٹی اور2فیصد اضافی کسٹمز ڈیوٹی بھی عائد کی گئی ہے،ویجی ٹیبل آئل پر 10ہزار 800روپے فی میٹرک ٹن کسٹمز ڈیوٹی اور 10فیصد ریگولیٹری ڈیوٹی]خام کوکنگ آئل پر 8ہزار روپے فی میٹرک ٹن کسٹمز ڈیوٹی لاگو اور دو فیصد اضافی کسٹمز ڈیوٹی نافذ ہے ۔