اسلام آباد(این این آئی)قومی اسمبلی اجلاس میں وقفہ سوالات کے دوران وزارت آئی ٹی نے بتایا ہے کہ آئی سی ٹی خدمات کی ترسیلات میں 19.7 فیصد اضافہ ہوا ہے۔

وفاقی وزیر آئی ٹی شزا فاطمہ خواجہ نے بتایا کہ مالی سال 2025/26 کے دوران پاکستان کی آئی ٹی برآمدات 3.38 ارب ڈالر تک پہنچ گئی ہیں، جبکہ گزشتہ مالی سال 2024/25 میں آئی ٹی برآمدات 2.8 ارب ڈالر تھیں۔وزارت آئی ٹی کے مطابق پاکستانی فری لانسرز کی برآمدات میں بھی نمایاں بہتری دیکھنے میں آئی ہے، جو 567 ملین ڈالر سے بڑھ کر 856 ملین ڈالر تک پہنچ گئی ہیں۔اعداد و شمار کے مطابق فری لانسرز کی آئی ٹی برآمدات میں 51 فیصد اضافہ ریکارڈ کیا گیا، جسے پاکستان کے ڈیجیٹل شعبے کے لیے اہم پیش رفت قرار دیا جا رہا ہے۔